Паст бўйли, аммо ҳатти-ҳаракати ишончли бу 92 ёшли аёл 30 йилдан буён газета тарқатиш билан шуғулланади.
1934 йил
туғилган Ёсиэ газета тарқатувчи энг
кекса аёл сифатида Гиннеслар китобига киритилган. У мактабни тугатгач
қариндошлари бошқарадиган тиббиёт клиникасида ишлаган.
Унинг айтишига қараганда газета тарқатиш билан тасодифан шуғуллана бошлаган:
“Уйимиздан узоқ бўлмаган газета таҳририятидагилар мендан газеталарни тарқата
оласизми деб сўрашди. У пайтда ишсиз эдим ва шу боис иккиланмай рози бўлганман”.
Кекса аёл газеталарни
тарқатиш учун 1,5 километр йўл босиб келади ва бунинг учун бир ярим соат вақт кетади. Етказиб
бериш вақтида у қўл аравачасидан фойдаланади. Қор ёққанда аравачани торта олмагани
сабабли газеталарни елкасида ташийди. Албатта,
бундай ҳолларда барча газетани елкасида етказиб бериш учун икки марта қатнашга тўғри келади.
Янги жойга
кўчиб ўтгандан кейин ҳам газета тарқатишнинг яхши томонларини илғаганини
айтади. Йўл-йўлакай атроф ҳудудни яхшироқ ўргангани, кўп кишилар билан
суҳбатлашиб танишганини мамнуният билан сўзлаб берган. У болалигидан эрта тонг ўргангани
учун бу борада ҳечам нолимайди.
