“Afrosiyob” замонавий поездининг қўшимча қатнови йўлга қўйилади

Транспорт 30 сен 2021, 18:03 358

1 октябрь — Ўқитувчи ва мураббийлар куни муносабати билан юртимиз аҳолиси ва меҳмонларига янада кўпроқ транспорт хизматларини кўрсатиш мақсадида “Тошкент — Бухоро — Тошкент” йўналишида 770/769 сонли “Afrosiyob” замонавий поездининг қўшимча қатнови йўлга қўйилади.

Бу ҳақда “O‘ztemiryo‘lyo‘lovchi” АЖ матбуот хизмати хабар қилди.

Ҳаракат жадвалига кўра, 770-сонли қўшимча “Afrosiyob” замонавий поезди Тошкент марказий вокзалидан 2021 йил 1- октябрь куни соат 07:07 да, 769 сонли қўшимча “Afrosiyob” замонавий поезди эса шу куни Бухоро темир йўл вокзалидан соат 16:49 да ҳаракатланади.