“Андижон ёғ-мой” АЖ — 1906 йилда ташкил қилинган. Корхонанинг 58,36 % улуши Давлатга, 41,64 % эса бошқа таъсисчиларга тегишли. Умумий ер майдони 11,7 гектарни ташкил қилиб, шундан 36 минг 786,1 кв. метр бино-иншоотларни ташкил этади.
Корхона томонидан ўсимлик ёғи, хўжалик совуни, шрот ва шелуха ишлаб чиқарилиб, бугунги кунда 520 нафар ишчилар ишлаб келмоқда. Ўтган йили корхонада 559 та ишчи фаолият юритган.
Жамиятнинг йиллик ишлаб чиқариш қуввати 120 минг тоннани ташкил қилиб, ундан фойдаланиш даражаси ўртача 30 % га тушиб кетган.
Жумладан, 2019 йилнинг 9 ойи якуни бўйича техник чигитни қайта ишлаш 30 минг 300 тоннани ташкил қилиб, жорий йил 9 ой якуни бўйича эса 11 минг 400 тоннани ташкил қилиб, ишлаб чиқариш ўтган йилга нисбатан қарийб 63 % га камайиб кетган.
Бу эса йиллик ишлаб чиқариш қувватига нисбатан, ундан фойдаланиш даражаси 9,5 % ни ташкил қилади.
Андижон шаҳрининг марказида жойлашган ушбу йирик ишлаб чиқариш корхонасининг ишлаб чиқариш қувватига нисбатан 9,5 %га ишлаётгани мазкур корхона фаолиятини тубдан қайта кўриб чиқиш лозимлиги Юртбошимизнинг эътиборига тушган.
“Асака ёғ-мой” АЖ — 1913 йилда ташкил қилинган. Корхонанинг 51,15 % улуши Давлатга, 49,81% эса бошқа таъсисчиларга тегишли. Умумий ер майдони 11,57 гектарни ташкил қилиб, шундан 53 минг 161 кв. метр бино-иншоотларни ташкил этади.
Корхона томонидан ўсимлик ёғи, хўжалик совуни, шрот ва шелуха ишлаб чиқарилиб, бугунги кунда 550 нафар ишчилар ишлаб келмоқда. Ўтган йили корхонада 625 та ишчи фаолият юритган.
Жамиятнинг йиллик ишлаб чиқариш қуввати 126 минг тоннани ташкил қилиб, ундан фойдаланиш даражаси ўртача 36 % га тушиб кетган.
Жумладан, 2019 йил 9 ойи якуни бўйича техник чигитни қайта ишлаш 34 минг 365 тоннани ташкил қилиб, жорий йил 9 ой якуни бўйича эса 13 минг 297 тоннани ташкил қилиб, ишлаб чиқариш ўтган йилга нисбатан қарийб 62 % га камайиб кетган.
Бу эса йиллик ишлаб чиқариш қувватига нисбатан, ундан фойдаланиш даражаси 10,5 % ни ташкил қилади.
Юқоридаги таҳлиллардан кўриниб турибдики, вилоятимиздаги энг йирик ишлаб чиқариш корхоналари бўлган “Андижон ёғ-мой” ва “Асака ёғ-мой” акциядорлик жамиятлари йиллик ишлаб чиқариш қувватига нисбатан атиги 9-10 % дан ишламоқда.
Андижон вилояти ҳокимлиги
матбуот хизмати
