Мазкур мусобақа вилоятдаги олий таълим муассасалари ректорлари ташаббуси билан ташкил этилди.

Таъкидланишича, мусобақалар Президент раислигида жисмоний тарбия ва спорт соҳасида белгиланган устувор вазифалар ижросини таъминлаш мақсадида ўтказилмоқда. Умумий соврин жамғармаси 100 миллион сўмни ташкил этади.

Тантанали очилиш маросимида Ўзбекистон Республикаси Давлат мадҳияси янгради. Тадбирда иштирок этган вилоят ҳокими ҳамда олий таълим муассасалари раҳбарлари мусобақанинг ёшлар ҳаётидаги аҳамияти, спортни оммалаштиришдаги ўрни ва кутилган натижалар ҳақида фикр билдирди.

Шундан сўнг ОТМ ректорлари ва ёшлар етакчилари иштирокида мини футбол учрашуви ўтказилиб, турнирнинг волейбол, футбол ва 3х3 баскетбол баҳсларига расман старт берилди.

Мусобақалар ҳар ҳафтанинг чоршанба куни олийгоҳларнинг спорт иншоотларида ташкил этилиши белгиланган. Лига ёшлар ўртасида соғлом рақобат муҳитини шакллантириш, жисмоний фаолликни ошириш ва спорт маданиятини ривожлантиришга хизмат қилиши қайд этилди.