Американинг Россиядаги элчиси Джон Салливан Шереметьево аеропортидан Москва-Лондон рейси билан учиб кетди ва Буюк Британияда самолётни алмаштиргандан сўнг Вашингтонга жўнаб кетади, деб хабар бермоқда ТАСС.
Россия ташқи ишлар вазири Сергей Лавров 16 апрель куни бўлиб ўтган матбуот анжуманида айтганидек, Россия президентининг ёрдамчиси Юрий Ушаков Салливан билан учрашувда унга маслаҳат учун Вашингтонга боришни тавсия қилган эди.
Душанба куни Ахиос портали АҚШ Давлат департаменти вакилига иқтибос келтирган ҳолда Салливан шу ҳафта Вашингтонга бориши, у ерда президент Джо Байден маъмурияти вакиллари билан маслаҳатлашувлар ўтказиши, сўнгра яқин ҳафталарда ўз уйига қайтиши ҳақида хабар берди. Давлат департаменти вакили Нед Прайс сешанба куни Салливаннинг ўзаро муносабатларнинг ёмонлашуви муносабати билан Москванинг тавсиялари бўйича маслаҳатлашув учун ўз ватанига қайтиб келаётганини тўғридан-тўғри тан олмади.
