“Трамп маъмурияти расмийлари Эрон нефтини ташиш учун ишлатиладиган қўшимча танкерларни қўлга олишни муҳокама қилишди, аммо Теҳроннинг деярли муқаррар жавоб чоралари ва уларнинг глобал нефть бозорларига таъсиридан қўрқиб, тўхтаб қолишди”, деб хабар берди нашр АҚШ расмийларига таяниб.
АҚШ Венесуэлага хизмат кўрсатадиган санкцияга тушган танкерларни икки ойлик блокада қилиш доирасида Эрон нефтини ташийдиган бир нечта кемаларни қўлга олишди. Соядаги флот деб аталадиган бу танкерлар кўплаб санкцияга тушган мамлакатлардан Хитой ва бошқа харидорларга ноқонуний нефтни ташишга ёрдам беради.
Нашрнинг таъкидлашича, АҚШнинг санкцияга тушган кемаларни Эронда нефть юклашига тўсқинлик қилиш қарори Теҳроннинг асосий даромад манбаига путур етказади ва Вашингтоннинг Кариб денгизидаги тажоввузкор стратегиясини янада кенгайтиради.
WSJ маълумотларига кўра, бу вариант кўплаб тўсиқларга дуч келиши мумкин. Эрон минтақадаги АҚШ иттифоқчиларига тегишли нефть ташийдиган танкерларни мусодара қилиш ёки дунё нефть таъминотининг 25 фоизигача қисми ўтадиган Форс кўрфазидан олиб чиқадиган тор йўл – Ҳормуз бўғозини миналаштириш орқали жавоб қайтариши мумкин. Буларнинг барчаси нефть нархларини ошириши ва Оқ уйда сиёсий жанжалга сабаб бўлиши мумкин, деб хабар берди gazeta.ru.
