Бу ҳақда унинг веб-сайтида чоп этилган баёнотда айтилган.
АҚШ Президенти бу орқали “Дания Қироллиги билан музокаралар олиб бориш, Гренландияни аннекция қилиш ёки уни АҚШ ҳудуди сифатида бошқа йўл билан сотиб олиш” каби зарур чораларни кўриш ваколатига эга бўлади. Шундан сўнг Гренландия АҚШ штати сифатида қаралиши мумкин.
Файннинг сўзларига кўра, қонун лойиҳаси “Арктикадаги АҚШ миллий манфаатларини ҳимоя қилиш ва Хитой ва Россиядан ортиб бораётган таҳдидларга қарши туриш”га қаратилган.
АҚШ Президенти Дональд Трамп Гренландиянинг АҚШга қўшилиши зарурлигини бир неча бор таъкидлаган. Биринчи муддати давомида у Гренландияни сотиб олишни таклиф қилган ва 2025 йил март ойида у рад этган тақдирда Данияни савдо тарифлари билан қўрқитиб, уни аннекция қилиш мумкинлигига ишонч билдирган. Дания Бош вазири Метте Фредериксен бу даъволарни рад этиб, орол қиролликнинг бир қисми эканлигини таъкидламоқда.
Гренландия Даниянинг автоном ҳудуд сифатидаги бир қисмидир. 1951 йилда Вашингтон ва Копенгаген, НАТО иттифоқчилик мажбуриятларига қўшимча тарзда Гренландия мудофаа шартномасини имзолаган. Унга кўра, АҚШ оролни мумкин бўлган тажовуздан ҳимоя қилиш мажбуриятини ўз зиммасига олган, деб хабар берди tass.ru.
