Бу ҳақда The New York Times хабар берди.
2021 йилда олимларнинг алоҳида гуруҳи тахминан 13 минг йил олдин йўқ бўлиб кетган даҳшатли бўриларнинг қолдиқларидан ДНК ажратиб олишга эришди. Қўшимча ДНК топилгач, Colossal тадқиқотчилари ҳайвонларга даҳшатли бўриларнинг асосий хусусиятларини сингдириш мақсадида кулранг бўриларнинг 20 та генини таҳрирлади.
Сўнгра улар таҳрирланган кулранг бўри ҳужайраларидан эмбрионлар яратиб, уларни суррогат ит оналарига жойлаштиришди ва туғилишини кутишди. Натижада учта соғлом бўри дунёга келди - 6 ойлик иккита эркак ва 2 ойлик битта урғочи. Ромулус, Ремус ва Халеэси деб номланган бу бўрилар даҳшатли бўриларнинг айрим хусусиятларига эга. Улар катта ва кулранг бўриларда учрамайдиган қалин, оч рангли терига эга. Январь ойида 10 миллиард долларга баҳоланган Colossal бўриларни Қўшма Штатлар шимолидаги номаълум жойда 2 минг акр майдондаги хусусий иншоотда сақламоқда.
