У бир вақтнинг ўзида инфекцияланган ҳужайраларни ОИВнинг аксарият изларидан тозалайди ва соғлом иммунитет ҳужайраларининг ДНКсини вирус ҳужумига қарши иммунитетга эга қилади.
Таъкидланишича, суяк илиги трансплантацияси натижасида ОИВ билан касалланган беморларнинг муваффақиятли даволаниши ҳақидаги масалалар олимларни вирусдан тўлиқ халос бўлиш учун нафақат танани вирусдан тозалаш, балки иммун ҳужайраларидан барча CCR5 рецепторларини олиб ташлаш керак деган хулосага келишига сабаб бўлди.
Натижада Темпл университети профессори Камель Халили тушунтирганидек, CRISPR/Cas9 базаси асосидаги ген терапияси инъекциялари ёрдамида бу муаммони ҳал қилишга имкон берувчи соддароқ ва қўлланиладиган жараён ишлаб чиқилди.
Ген терапияси ишини инсон иммунитетида синаб кўргандан сўнг олимлар унинг таъсирини сичқонлар организмида синаб кўришди. Бунинг учун биологлар кемирувчиларга ОИВ инфекциясини юқтиришди, инфекциянинг сурункали шаклининг ривожланишини кутишди ва антиретровирус дорилар ёрдамида уни бостиришди, уларнинг таналарига экспериментал ген терапиясини жорий қилишди.
Яқин келажакда олимлар худди шундай тажрибаларни маймунлар устида ўтказишни режалаштирмоқда, деб хабар беради lenta.ru сайтида.
