Арнольд Шварценеггернинг қизи Кэтрин фарзандли бўлди, деб хабар беради Tengrinews.kz, Dailymail нашрига таяниб.
Терминаторнинг набирали бўлгани ҳақида унинг куёви, Голливуд актёри Крис Пратт ўзининг Instagramдаги саҳифасида хабар берган.
“Биз катта ҳаяжон билан қизимиз Лайли Марии Шварценеггер Пратт туғилганини эълон қилишдан жуда хурсандмиз. Биз жуда бахтлимиз. Она ва бола ўзини жуда яхши ҳис қилмоқда. Муҳаббат билан Кэтрин ва Крис”, деб ёзди Пратт.
Шварценеггернинг катта қизи Кэтрин 2019 йилда “Галактика қўриқчилари” фильмининг юлдузига турмушга чиққанди.Фарзанд туғилишидан бироз олдин, Шварценеггер болаларни жуда яхши кўришини ва биринчи набирасининг туғилишини кутаётганини эълон қилганди.
