Artel Electronics МЧЖ (Artel) БМТ Глобал Шартномасининг (БМТ ГСҲ)га расман қўшилди ва бу борада Марказий Осиёдаги биринчи маиший техника ишлаб чиқарувчисига айланди, шунингдек, БМТ Глобал шартномасига қўшилган учинчи ўзбек компанияси бўлди.
Маълумот учун, БМТ ГСҲ 2000 йилда ташкил этилган ва у корпоратив ижтимоий масъулият ҳамда барқарор ривожланиш соҳасидаги халқаро ихтиёрий бизнес ташаббусидир.
Таъкидлаш керакки, Artel энди 10 000 дан ортиқ таниқли компаниялар, жумладан, Microsoft, Facebook ва Nestleк компаниялари билан бир сафда. Artel бу компаниялар билан бирга БМТ Глобал шартномасининг инсон ҳуқуқлари, меҳнат муносабатлари, атроф-муҳит ва коррупсияга қарши кураш соҳаларидаги ўнта асосий тамойилларга содиқдир. Шунингдек, БМТ Барқарор тараққиёт мақсадларини (БТМ) илгари суради. Муҳим қадами шуни англатадики, Ўзбекистон хусусий сектори халқаро стандартларга мослашиш йўлида интилмоқда.
Artel компанияси Ўзбекистон Барқарор ривожланиш коалициясининг асосий аъзоларидан бири сифатида ҳамкорлар билан биргаликда мамлакатни янада ривожлантириш ҳамда ижтимоий ва екологик масъулиятни оширишга қаратилган ташаббусларни қўллаб-қувватлайди. Компаниянинг муҳим позицияси – сув таъминоти, гендер тенглиги ва таълим соҳасида самарали фаолият олиб боришда намоён бўлади.
“Биз БМТнинг Глобал келишувига қўшилганимиздан ва барқарор ривожланишга интилаётган компаниялар фаол глобал ҳамжамиятининг бир қисмига айланганимиздан мамнунмиз. Мамлакатдаги енг йирик компаниялардан бири сифатида барқарор ривожланишга кўмаклашиш, халқаро меҳнат стандартлари ва инсон ҳуқуқларига риоя қилиш, коррупсияга қарши курашиш бўйича масъулиятимизни ҳис қиламиз. БМТ ГСҲга аъзо бўлганимиз ушбу тамойилларга содиқлигимизни тасдиқлайди.
Шунингдек, биз дунёнинг етакчи компанияларидан кўп нарсани ўрганиш учун ажойиб имкониятга эга бўлганимизни биламиз ва Ўзбекистонда Барқарор ривожланиш мақсадларига эришиш йўлини муҳокама қилишда фаол қатнашишни интиқлик билан кутамиз”, дейди Artel Electronics МЧЖ бошқаруви раисининг молия бўйича ўринбосари Бектемир Муродов.
Компаниянинг БМТнинг Глобал шартномасига қўшилиши ЕСГ (Экологик, ижтимоий ва корпоратив бошқарув)ни ривожлантиришдаги яна бир муҳим қадамдир. Охирги бир неча йил ичида мазкур компания корпоратив бошқарув тизимини илғор жаҳон тажрибасига мос равишда қайта қуриш, маҳсулот самарадорлигини ошириш ва компания фаолиятининг атроф-муҳитга салбий таъсирини камайтиришга катта эътибор берди. Шунингдек, сув ва таълимдан фойдаланишни таъминлашга қаратилган муҳим ижтимоий лойиҳаларни ҳам амалга оширди.
