Маълумки, Қува шаҳристони милоддан аввалги VI-V асрларда шаклланган бўлиб, унинг гуркираб яшнаган даври милодий X-XII асрларга тўғри келади.
Бу вақтда Қуванинг умумий майдони 200 гектардан ортиб кетган эди. Ҳозирда эса, унинг 15 гектарга яқин ҳудуди сақланиб қолган.
Археологларнинг таъкидлашларича, очиб ўрганилган ҳудудда кучли ёнғин содир бўлган. Ёнғин оқибатида уйларнинг девори куйган, тўсинлар ёниб полга қулаган.
Деворлар қаттиқ шикастланиб, тартибсиз қулаб тушган. Натижада аниқ шаклдаги уй қолдиғини ажратиб олиш мураккаб кечмоқда, дея хабар бермоқда Маданий мерос агентлиги.
