Ўрганишда ушбу (103 та иссиқхона, 450 та ижтимоий соҳа объектлари ва 209 та саноат) корхоналарнинг айримлари томонидан атмосферага белгиланган меъёрлардан ортиқча тутун, чанг ва газ миқдори ташланаётганлиги аниқланди.
Жумладан, хатловдан ўтказилган иссиқхоналарнинг 70 таси ностандарт қозонхоналардан фойдаланаётганлиги, 83 таси давлат экологик экспертизасининг ижобий хулосаларини олмасдан фаолият юритаётганлиги ҳамда 24 тасида чанг-газ тозалаш ускуналари (фильтрлар) ўрнатилмаганлиги маълум бўлди. Ижтимоий соҳа объектларида тиббиёт чиқиндиларини ёқиш билан боғлиқ 18 та ва дудбуронлар тўлиб қолиши билан боғлиқ 5 та ҳолат аниқланди.
Шунингдек, хатловдан ўтказилган 209 та саноат объектларининг 40 таси давлат экологик экспертизасидан ўтказилмаганлиги, 108 тасида фильтрлар мавжуд эмаслиги, 39 тасида эса ўрнатилган фильтрларнинг самарадорлиги пастлиги ҳамда 29 тасида атмосфера ҳавосига ташланмалар белгиланган меъёрдан ортиқча ташланаётганлиги аниқланди ҳамда ушбу корхона раҳбарлари тез фурсатда ушбу камчиликларни бартараф этиш тўғрисида огоҳлантирилди.
