Хусусан, жорий йилнинг 8-21 июнь кунларида avtoraqam.uzex.uz вебсайтида жами 12,9 млрд сўмлик 4,3 мингта авторақамлар сотилди ва бу юқоридаги қарор қабул қилинишидан аввалги мос даврга нисбатан 43% га кўпдир. Бу ҳақда "ЎзРТХБ" АЖ матбуот хизмати хабар қилди.
"Бунда, сотилган авторақамларнинг сони бўйича ўсиш 2,5 баробарни, харидорларининг сони бўйича – 3,3 маротабани ташкил қилди. Ўтказилган аукционлар мобайнида битта лотга ўртача 41 та таклифлар келиб тушди, ўсиш – 23,4% ни ташкил қилди", дейилади хабарда.
Авторақамлар бўйича савдоларнинг фаоллашуви биржанинг онлайн-аукциони орқали сотиладиган рўйхатдан ўтказиш давлат рақами белгилари (РЎДРБ) тоифаларининг кенгайиши, шунингдек, баъзиларининг бошланғич нархларининг пасайиши билан боғлиқдир.
Хусусан, Тошкентда ҳарфлар комбинацияси бир хил бўлган авторақамларнинг бошланғич қиймати 50 БҲМдан (базавий ҳисоблаш миқдори) 40 БҲМгача, ва мос равишда ҳар хил комбинацияли авторақамаларнинг нархи 40 БҲМдан 30 БҲМгача пасайтирилган.
