Алишер Қодиров сайловчиларни дастури билан таништирар экан, «Миллий тикланиш» партияси «Инсонни ўзгартириш орқали жамиятни ўзгартирамиз» шиорини бежиз танламаганини таъкидлади. – Аввало ўзимиз ўзгармас эканмиз, жамиятимизни ўзгартира олмаймиз. Ҳар биримиз ўзимизга танқидий баҳо бериб, бугунги кунда жамиятимиз ривожига тўсиқ бўлаётган муаммоларни бирма-бир эътироф этиб,  тан олишимиз ва уларни ҳал қилиш бўйича аниқ ечим ва таклифлар беришимиз лозим.  Президентлик сайловида ҳам бу ғоя бизнинг бош шиоримизга айланди, – деди Алишер Қодиров.