Маълумки, ҳар йилнинг август ойида “Камп Ноу” стадионида “Барселона” футбол клуби томонидан Жаон Гампер кубоги учун ўйин ўтказилади.
Мазкур турнир биринчи марта 1966 йили каталонияликлар президенти Энрик Льоде томонидан “Барселона” клуби асосчиси ва беш карра президенти Жаон Гампер шарафига ташкил этилган. Дастлаб чорак финал, ярим финал, финал ва учинчи ўрин учун ўйинлардан иборат бўлган бу ўртоқлик баҳсларида 1997 йилдан бошлаб иккита жамоа куч синашяпти.
Жорий йилги турнирда “Барселона” дастлаб Италиянинг “Милан” клуби билан учрашиши айтилган эди. Аммо бу хабар тасдиғини топмади. Кейин матбуотда Каталонияга “Рома” ташриф буюради деган хабарлар пайдо бўлди. Лекин римликлар таклифни рад этишди.
Ниҳоят кеча Жоан Гампер кубоги учун “Барселона”га қарши баҳслашадиган жамоа номи маълум бўлди. Мексиканинг “Пумас” жамоаси каталонияликларга рақиблик қилади.
57-марта ўтказилаётган ушбу турнирнинг 44 тасида майдон эгалари ғолиб чиққан.
