Қайд этилишича, Месси “Барселона”да 2004 йилда дебют қилган. "Кўк-анорранглилар" сафида жами 778 та ўйинда майдонга тушиб, 672 та гол урган ҳамда 305 та голли узатмани ўз ҳисобига ёзиб қўйган.
Аргентиналик футболчи мазкур жамоа сафида 35 та совиринни қўлга киритган. Жумладан, ўн марта Испания чемпиони, етти карра мамлакат кубоги, саккиз карра миллий Суперкубок соҳибига айланган. Шунингдек, тўрт марта Европа Чемпионалар Лигаси, уч марта УЕФА суперкубогида ғалабага эришган.
Бундан ташқари, Месси олти маротаба “Олтин тўп” соҳибига айланган. Бу айни пайтда рекорд саналади. Мессининг “Барселона” билан шартномаси муддати 30 июнь куни тугаганди. Унинг “Барселона” билан янги шартнома тузмагани 5 август куни маълум бўлди.
