Унда ўзбекистонлик суперўрта вазн тоифаси вакили Бектемир Мелиқўзиев ганалик Сена Агбекога қарши рингга кўтарилди ва ўзига тегишли WBA қитъалараро чемпионлик камарини муваффақиятли ҳимоя қилди.
Гарчи тўқнашув Мелиқўзиев учун нохуш бошланган бўлса-да — биринчи раундда рақибининг боши билан берган зарбаси туфайли қоши ёрилди — ҳамюртимиз жанг тизгинини ўз қўлига ола билди. Еттинчи раундга келиб Бектемир рақибини техник нокаутга учратди ва муддатидан олдин ғалабани нақд қилди.
Жанг якунида боксчимиз илк раунддаги жароҳат панд берганини, бироқ жиддий тайёргарлик эвазига қийинчиликни енгиб ўтганини таъкидлади. Унинг сўзларига кўра, эндиги асосий мақсад — жаҳон чемпионлик камарини Ўзбекистонга олиб келиш. Мелиқўзиев тез орада чемпионлик жангига тайёр эканини қатъий билдирди.
Маълумот учун, 29 ёшли Бектемир Мелиқўзиев шу кунгача профессионал рингда 18 та жанг ўтказган. Унинг ҳисобида 17 та ғалаба (11 таси нокаут билан) ва 1 та мағлубият мавжуд.
