Олимпияда ўйинлари совриндори, кўп карра Осиё чемпиони, Ўзбекистон ифтихори Бектимир Мелиқўзиев профессионал боксда фаолиятини бошлагани яқинда бир тўлган бўлсада 6 жанг, 6 ғалаба ва 5 нокаут билан ўз титулини янгилаб олди.
Қизғин ва муросасиз кечган жанг 2-раунддан бошлаб ҳамюртимиз устунлиги остида ўтди.
Кетма-кет берилган зарбалардан сўнг рақиб ўзини тута олмади ва 2-раунда ҳакамлар нокдаунт ҳолатини қайд этишди. 3-раунд эса ким аслида ким эканлиги яққол тасдиқлаб берди. Чап қўлда берилган кетма кет 2 та зарба оқибатида мексикалик боксчи нокаут ҳолатига тушди ва ҳакамлар жангни тўхтатишди.
Шу тариқа ҳамюртимиз навбатдаги ғалаба ва WBO Inter-Kontinental камари соҳиблигини тантана қилди.
