Таъкидланишича, бензин нархларига таъсир қилувчи омиллар ўрганилган, кўрсатмалар берилган, чоралар кўрилмоқда. Ушбу масала бўйича идоралараро ишчи гуруҳ ишламоқда.
Монополияга қарши курашиш қўмитаси раиси ўринбосарининг сўзларига кўра, бензин нархи ошишида ҳам манипуляция ҳолатлари, арзон нархдаги бензинни сунъий равишда аннуляция қилиш аломатлари аниқланган.
Ҳозир нима бўляпти? Йирик, улгуржи харидорлар жуда кичик рентабелликка ишлайди, уларнинг савдо жараёнида баландроқ таклиф бериш имкони кўпроқ.
Шунинг учун ҳам лотлар кичик ҳажмда қилинмоқда, бундан мақсад – оддий АЁҚШларнинг бензинни олиши ва захирасини тўлдиришига имконият яратишдан иборат. Бу нархлар сунъий равишда кўтарилишининг олдини олишга ёрдам беради.
