20 февралга қадар давом этадиган 24-Қишки Олимпиадада 95 давлатнинг жами 3000 нафарга яқин спортчилари 7 та спорт турининг 15 та йўналишида 109 та медаллар жамланмаси учун баҳс олиб боряпти. Бугун спортчилар 6 та медаллар жамланмаси учун курашга киришган.  

Бугунги дастур:

Фристайл. Эркаклар. Эркин дастур – биг-эйр.

Тоғ чанғиси. Аёллар. Слалом.

Аёллар. Сноуборд-кросс. Кичик финал. Шундан сўнг Катта финал.

Чанғи иккикураши. Шахсий биринчилик. Одатий трамплин/10 км.

Шорт-трек. Эркаклар, 1500 м.

Чана спорти. Иккилик.

Бироз аввал Қишки олимпия ўйинларининг бешинчи кунидан ўрин олган баҳсларда илк медаллар жамланмаси ўз эгаларига тақдим этилди.

Норвегиялик фристайлчи Бирк Рууд биг-эйр йўналишида энг яхши натижа билан Олимпиада чемпионига айланди. Унинг олтин медали Норвегия терма жамоасини медаллар жамғариш бўйича умумжамоа ҳисобида яна пешқадамга айлантирди. 

Америкалик Колби Стивенсон кумуш, швециялик Хенрик Харлаут бронза медалига сазовор бўлди.