Microsoft асосчиси Билл Гейтс Wiredга берган интервьюсида коронавирус пандемияси қачон тугашини маълум қилди.
Миллиардернинг сўзларига кўра, коронавирус пандемиясини фақат икки ярим йил ичида тўхтатиш мумкин.
"Менинг тушунишимча, биз - бой дунё, буни асосан 2021 йил охирича амалга ошира оламиз ва бутун дунё 2022 йил охирига қадар буни енгиб чиқади. Бу фақат инновациялар кўлами билан боғлиқ. Аммо бунга эришишгунча биз безгак, полиомиэлит ва ОИВга қарши курашиш борасида жуда кўп нарса йўқотамиз”, деди Гейтс.
Гейтснинг фикрича пандемия триллионлаб доллар иқтисодий етказди, аммо вакцина ишлаб чиқариш учун сарфланган сармояни эътибордан четда қолдириб бўлмайди.
"Мен бутун дунё бўйлаб иккита вакцина мавжуд бўлишига ишонаман", деди Гейтс. Унинг сўзларига кўра, коронавирусга қарши дори-дармонларни синаб кўриш Хитой ва Россияда қизғин давом этмоқда, Билл ва Мелинда Гейтс жамғармаси эса ўз вакцинасидан келиб чиқадиган ножўя таъсирларни излаш ва текшириш учун уч-тўрт ой вақт керак бўлади.
Шунингдек, миллиардернинг айтишича, пандемия шахсан унинг ҳаракатини чеклаб қўйган, чунки тадбиркор илгари кўп саёҳат қилган. “Мен кўп нарсага улгуряпман. Менинг болаларим уйда ўйлаганимдан кўра кўпроқ вақт ўтказишмоқда, бу эса менга жуда ёқади. Микротўлқинли печда кўп бора таом тайёрладим ва ўйлайманки унчалик ёмон чиқмади. Мен буни жуда яхши ўргандим. Афсуски, пандемия аввалдан бой бўлганларга заифроқ таъсир қилди”, деди Гейтс.
