Бунда сотувларнинг 87,4% - биржа савдолари, 4,6% - кўргазма-ярмарка савдолари, 7,4% - электрон давлат харидлари ва 0,5% - авторақамларнинг онлайн-аукционига тўғри келди.
Ўзбекистон Республикаси товар-хом ашё биржаси берган маълумотларга кўра, кўриб чиқилаётган даврда очиқ биржа савдолари орқали жами 891,2 млрд сўмлик товар ресурслари сотилган, бу эса аввалги ҳафтага нисбатан 26,0% га кўпдир.
Ўтган ҳафтада биржа савдоларига қўйилган 1 353,0 тонна пахта ёғидан 164,0 тоннаси, яъни 86,0% сотилган. Ўтказилган савдоларда ҳар куни ўртача 90 та харидор иштирок этган.
Ўтган ҳафтада пахта ёғининг бошланғич нархи ўртача 10,5% га кўтарилган, шу сабабли барча навли пахта ёғининг кунлик ўртача нархлари маҳсулотнинг бир тоннаси учун 11 390,6 минг сўмдан 12 836,9 минг сўмгача, яъни 12,7% га ўсди. Ҳафта якунларига кўра 1-навли пахта ёғининг ҳафталик котировкаси 0,5% га ўсиб, маҳсулотни бир тоннаси учун 10 720,0 минг сўмни ташкил этган.
Ҳафта давомида биржа савдоларига қўйилган 2 756,0 тонна шакардан 838,0 тоннаси, яъни 30,4% сотилган. Шакарнинг барча категорияси бўйича шаклланган кунлик ўртача нархлар маҳсулотнинг бир тоннаси учун 5 829,5 минг сўмдан 5 851,6 минг сўмгача, яъни 0,4% га кўтарилган. Ўтказилган биржа савдолари натижасида шакарнинг 3-категорияси бўйича шаклланган ўртача ҳафталик нархи аввалги ҳафтага нисбатан деярли ўзгармади ва маҳсулотни бир тоннаси учун 5 843,9 минг сўмни ташкил этган.
Ўтган ҳафтада биржа савдоларига 51 498,0 тонна АИ-80 маркали автомобиль бензини қўйилган ва улардан 11 918,1 тоннаси, яъни 23,1% сотилган. Ўтказилган савдоларда ҳар куни ўртача 39 харидор иштирок этган.
Кўриб чиқилаётган даврда АИ-80 маркали автомобиль бензиннинг кунлик ўртача нархлари маҳсулотнинг бир тоннаси учун 4 855,9 минг сўмдан 4 899,3 минг сўмгача, яъни 0,9% га кўтарилган.
Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси бензиннинг бир тоннаси учун 4 904,8 минг сўмни, АИ-91 бензинининг ўртача ҳафталик котировкаси бензиннинг бир тоннаси учун 5 668,6 минг сўмни ташкил этган.
