Мазкур вазифа ижросини таъминлаш мақсадида Республика бюджетидан Самарқанд вилоятидаги 96 та мактабга компьютер жамланмалари етказиб берилди.
Бундан ташқари, Корея Республикасининг Эксембанк лойиҳаси доирасида вилоятдаги умумтаълим мактабларига 109 та компьютер жамланмалари етказиб берилмоқда.
Маълумот ўрнида: Вазирлар Маҳкамасининг 716-сонли қарорига асосан маҳаллий бюджетдан 78 та мактаб учун мўлжалланган компьютер жамланмалари очиқ онлайн танловга қўйилган.
Танлов якунига етгач мазкур компьютерлар ҳам ўз эгаларига етказилади, дея хабар бермоқда Халқ таълими вазирлиги.
