Унинг битта эшик ва ягона фараси бўлиб, машинага битта одам сиғади. “Peel P50” узунлиги 1372 миллиметрни, эни эса 991 миллиметрни ташкил этади.
Автомобиль 4,2 от кучига эга 49 кубли мотоцикл двигатели билан жиҳозланган. Агрегат уч поғонали механик узатмалар қутиси ёрдамида бошқарилади ве тезлиги соатига 61 километргача етиши мумкин. Максимал тезлиги ҳайдовчининг оғирлигига боғлиқ. Митти моделнинг ёқилғи сарфи 100 километрга 2,8 литрни ташкил этади. Peel P50 1962—1965 йиллар давомида ишлаб чиқарилган. Бу давр мобайнида конвейрдан 50 дона минимобил чиққан бўлиб, ҳозирга қадар уларнинг 27 нусхаси сақланган.
Сотувга қўйилган ва кузови Леон Лёвентраут томонидан бўялган автомобиль классик моделнинг замонавий кўриниши ҳисобланади. Моделнинг минимал нархи 15 879 фунт стерлинг бўлиб, арт-кар нархи эса — 150 минг еврони ташкил этади.
