Бу
ҳақда Тадбиркорлик субъектларининг ҳуқуқлари ва қонуний манфаатларини ҳимоя
қилиш бўйича вакил идораси матбуот хизмати хабар қилди.
Маълум
бўлишича, ўрганиш натижасида
ҳужжатнинг айрим бандлари амалдаги қонунчилик талабларига зид экани аниқланган.
Хусусан,
Норматив-ҳуқуқий ҳужжатлар тўғрисида қонун талабларига кўра, тадбиркорлик
фаолиятига таъсир этувчи ҳужжатлар лойиҳалари Бизнес-омбудсман билан мажбурий
тартибда келишилиши лозим. Аммо ушбу қарор Ваколатли орган билан келишилмасдан
қабул қилингани қайд этилган.
Шунингдек,
қарорда реклама воситалари учун белгиланган «паст тўйинган» ёки «нейтрал» ранг
каби тушунчаларнинг ҳуқуқий мезонлари аниқ белгилаб берилмаган. Бу эса
амалиётда турлича талқинларга сабаб бўлиши мумкин.
Бундан
ташқари, рангларни бир хиллаштириш талаби тадбиркорларнинг интеллектуал мулк
ҳуқуқларига, хусусан рўйхатдан ўтган брендлар манфаатларига зарар етказиши
эҳтимоли бор. Айниқса, бир нечта объектларга эга бўлган тармоқ корхоналарининг
ҳуқуқлари етарлича инобатга олинмаган.
Қарорда
янги талабларга мослашиш учун белгиланган 3 ойлик муддат ҳам етарли эмаслиги
таъкидланган. Жараённи босқичма-босқич амалга ошириш механизми назарда
тутилмагани тадбиркорлар учун қўшимча юклама келтириб чиқариши мумкин.
Шу
муносабат билан Бизнес-омбудсман томонидан Халқ депутатлари Тошкент шаҳар
кенгашига қарорнинг тадбиркорликка дахлдор қисмларини қайта кўриб чиқиш, унга
тегишли ўзгартиришлар киритиш ҳамда кучга кириш муддатини узайтириш бўйича
расмий хулоса киритилди.
Шу
билан бирга, мазкур ҳужжатни тадбиркорлар манфаатларини ҳисобга олган ҳолда,
Ваколатли орган мутахассислари иштирокида қайта ишлаш таклифи билдирилди.
