Турнир якунига кўра, мусобақада қатнашган 8 боксчимизнинг барчаси Ўзбекистонга медаль билан қайтадиган бўлди.
Беларуснинг Орша шаҳрида бокс бўйича хизмат кўрсатган мураббий А.К.Колчин хотирасига бағишланган халқаро турнир якунига етди.
Аввал хабар берганимиздек, финалгача 7 нафар боксчи қизимиз етиб келишган эди. Бугун якунига етган финал жанглари натижаларига кўра, 5 нафар боксчимиз финалда ғалаба қозонган ҳолда олтин медалга эга чиқди.
Турнир якунига кўра, мусобақада қатнашган 8 боксчимизнинг барчаси Ўзбекистонга медаль билан қайтадиган бўлди.
Боксчи қизларимиз турнирда қуйидаги натижа кўрсатишди:
Олтин медаль:
-51 кг: Гуласал Султоналиева;
-54 кг: Цитора Шогдарова;
-60 кг: Дилфуза Бекова;
-64 кг: Моҳинабону Абдуллаева;
-69 кг: Навбаҳор Ҳамидова.
Кумуш медаль:
-60 кг: Зиёда Ярашева;
-69 кг: Хадичабону Абдуллаева.
Бронза медаль:
-57 кг: Цитора Турдибекова, деб хабар беради Жисмоний тарбия ва спорт вазирлиги матбуот хизмати.
