Қайд этилишича, мусобақада иштирок этган 3 нафар Ўзбекистон терма жамоаси аъзоси чемпионлик учун рингга кўтарилди. Ҳамюртларимиздан Абдумалик Халоков (-60 кг) ва Тўрабек Ҳабибуллаев (-90 кг) финал жангларини муваффақиятли ўтказиб, олтин медалга эга чиқди. Асадхўжа Мўйдинхўжаев (-70 кг) эса турнирни кумуш медаль билан якунлади.

Қайд этиш жоиз, мусобақа давомида ёрқин жанглари билан ажралиб турган Абдумалик Халоков “Турнирнинг энг яхши эркак боксчиси“ деб топилди.

Олтин медаль

  • -60 кг: Абдумалик Халоков
  • -90 кг: Тўрабек Ҳабибуллаев

Кумуш медаль

  • -70 кг: Асадхўжа Мўйдинхўжаев