“Шифохоналар ҳомиладорликни сунъий тўхтатиш ҳақида эмас, балки болани сақлаб қолиш тўғрисида кўпроқ қайғуришлари керак”, дейди у ўз нутқида.
Бу ҳақдаги ҳужжат аллақачон Кремль, Давлат думаси ва Федерация кенгашига юборилган.
Ҳужжатда келтирилишича, Россияда 2019 йил аҳоли кўпайишининг табиий пасайиши ҳолати бўйича охирги ўн бир йил ичида энг юқори кўрсаткич қайд этилган: ўтган йилнинг тўққиз ойида 256 минг бола туғилмасидан нобуд бўлган.
Боланинг туғилишига қашшоқликка олиб келувчи хавф сифатида қаралмоқда.
Кузнецованинг фикрига қарши чиққан депутат Оксана Пушкиннинг фикрича, дори танқислиги ва шифокорларга бўлган босим масалани ҳал қилишдаги тўғри ечим эмас. Барча аёл ҳам Кузнецова каби етти нафар фарзанд кўролмайди. Уларни тарбиялаб, таълим-тарбия беришнинг ҳам ўзи бўлмайди.
Депутатнинг таъкидлашича, сўнгги йилларда абортлар сони сезиларли камайган. “Лекин бу “тақиқ”дан эмас, балки ҳукуматнинг оилаларга бераётган кўмаги, махсус льгота ва субсидиялар ҳамда аёллар ўртасида тушунтириш ишлари олиб борилганининг самарасидир”, дейди у.
Россия Соғлиқни сақлаш вазири ўринбосари Татяна Яковлева фикрига кўра эса, бола туғилишини сунъий тўхтатувчи дориларни чеклаш ноқонуний абортлар сони ошишига сабаб бўлади. Бу эса аёллар саломатлигига кўпроқ зарар етказиб, оналар ўлимига олиб келади.
