Бу ҳақда ББCга таяниб, Каzinform хабар берди.
Маҳаллий авиация бошқармасининг маълумотларига кўра, самолёт учиш-қўниш йўлагидан гавжум автомагистралга чиқиб, парчаланиб, ёниб кетган. Унинг вайроналари ўша пайтда автомагистралда ҳаракатланаётган машиналарга зарар етказган. Қутқарувчиларнинг хабар беришича, ҳалокат оқибатида камида 15 киши, хусусан, самолёт экипажи ва машиналардаги одамлар ҳалок бўлган.
Маҳаллий Unitel телеканалининг хабар беришича, самолёт Ла-Пасга маҳаллий марказий банк томонидан буюртма қилинган янги банкноталарни олиб кетаётган эди, улар самолёт ҳалокатга учраганидан кейин атрофга сочилиб кетган. Ҳодиса жойида кўплаб одамлар тўпланиб, купюраларни йиғишга уринишган, полиция уларни тарқатиш учун кўз ёшартувчи газдан фойдаланишга мажбур бўлган, деб хабар беради телеканал.
Кейинроқ Боливия Марказий банки раиси Давид Эспиноса мазкур самолётда олиб кетилган банкноталар яроқсиз эканлигини ва тўлов учун қабул қилинмаслигини эълон қилди, деб хабар берди inform.kz.
