Россиянинг Красногорск шаҳридаги «Vegas City Hall» аренасида ташкил этиладиган бокс оқшомида Шоҳжаҳон беларуслик Дмитрий Мишюла билан куч синашади.
Бокс оқшомидан ўрин олган жанглар бугун, яъни 16 ноябрь куни Тошкент вақти билан 23:30да бошланиши режалаштирилган.
Шунингдек, Красногорксдаги бокс кечасида Шоҳжаҳон Эргашевлар ташқари яна икки нафар ўзбекистонлик чарм қўлқоп устаси ҳам рейтинг жангларида иштирок этиши белгиланган. Жумладан, ярим ўрта вазн тоифасида фаолият олиб бораётган Мирзакамол Неъматов ўзининг проф боксдаги иккинчи жангини россиялик Алишер Ашуровга қарши ўтказса, профессионал боксда учинчи марта рингга кўтарилаётган Алишер Шодиев эса бошқа бир Россия вакили Муҳаммадризо Муталибовга қарши жанг қилади.
Таъкидлаш керак, мазкур профессионал бокс кечаси “Sport TV” телеканали орқали тўғридан-тўғри олиб кўрсатилиши кутилмоқда.
