Тонг отишидан 2-2.5 соат аввал Қуёш чиқадиган томонда бир бирига яқин 2 та жуда ёрқин юлдуз (аслида энг ёрқини Венера сайёраси яқинидаги эса Юпитер) кўринди, Қуёш чиқишидан аввал эса Меркурий ҳам уфқдан чиқиб келди. Демак жами 3 та сайёра шарқ томонда!
Жанубий-ғарбий осмонда эса Сатурн сайёраси кўз билан юлдуз сифатида кўринди. Сатурннинг яқинида эса Нептун ҳам бор эди, лекин Нептун ҳатто телескоп билан ҳам кўринмади. Уран сайёраси ҳам бу парад ичига кирди, лекин Уран сайёраси ҳам кўз билан кўринмади. Уран сайёраси ҳозирда Ҳулкар (бошқа номи Плеиадес ёхуд етти опа-сингил) юлдуз тўдаси яқинида жойлашган.
Агарда сиз Марс сайёрасига қизиқсангиз уни ҳам телескопсиз кўришингиз мумкин. Марс Қуёш ботгандан кейин осмоннинг ғарбий қисмида ботишни бошлади ва Парад бошлангунча Марс ғарб томон уфққа ботиб кетди.
Хулоса қилиб айтиш мумкинки, дастлаб Марсни тун бошлангач, осмонда ғарб томонда кўз билан ҳам кўриш мумкин бўлди (қизил юлдуз бўлиб кўринди).
Қуёш чиқишидан 2.5 соат аввал эса жанубий-ғарбий осмонда Сатурн, шарқий осмонда эса Юпитер, Венера ва Меркурий сайёралари кўринди.
