— Коронавирус инфекциясининг тарқалиши унинг мутацион штаммларини келтириб чиқаради деб биз бот-бот қайтарамиз. Бу дегани янги штамм пайдо бўлса, эски тури йўқолади дегани эмас.
Бирламчи пайдо бўлган вирус тури ҳам тарқалишда давом этаверади.
Вируснинг мутацион штаммларини аниқлаш учун тестдан ташқари қўшимча равишда махсус скрининг усули ўтказилади, бунда қўшимча усулда коронавируснинг қайси штамми эканлигини билиш мумкин.
Кўриб турганингиздек, коронавируснинг қайси тури ёки мутацион штамми кузатилишини уларнинг кечуви ва клиник белгиларига қараб ҳамда лаборатор текширув натижаларидан фарқлаш мумкин.
Бугунги кунда тарқалаётган касалланишларда коронавируснинг мутацион шаклларини енгилрок кечуви ҳам бор, оғир ва жадал ўта оғир даражага ўтувчи штаммлари ҳам бор.
Шунга бугунги кунда қандай штамм бўлмасин бу касаллик билан касаллангандан кўра, олдини олиш ва вакцина билан ҳимояланиш жуда зарур.
