Aurora 7 дея аталаётган ушбу компьютер 2-Тбайт қаттиқ диск ва қўшимча 2,5 Тбайт SSD, шунингдек, сизнинг иш станциянгиз имкониятларини янада кенгайтириш учун керак бўладиган барча портлар билан таъминланган.
Қурилма тўртта 17,3 дюймли 4К дисплейга эга — иккита портрет ва иккита альбом йўналишини ўз ичига олади. 1920х1200 пиксел ўлчамли яна иккита етти дюймли экран юқорида, еттинчи қўшимча экран эса клавиатура остида жойлашган.
Таъкидланишича, ушбу экранлар бир-бирининг устига йиғилиши мумкин, бу эса, қурилмани оддий ноутбук каби сумкада олиб юришга имкон беради.
Айни пайтда Aurora 7 фақат прототип сифатида мавжуд. Мазкур компьютер ишлаб чиқарувчилар, дастурчилар ва тадбиркорлар учун мўлжалланган. Бошқа ноутбуклардан фарқли ўлароқ, қурилма қалинлиги 4,3 дюйм ва оғирлиги 12 килограммни ташкил қилади.
