medRxiv порталида чоп этилган тадқиқотга кўра, Докке ва Жичи тиббиёт университети олимлари эмлашдан сўнг антитаначаларнинг концентрациясига таъсир этувчи омилларни аниқлади.
Тадқиқот муаллифлари SARS-CoV-2га қарши антитаначаларнинг титрларини ўлчаш учун Pfizer вакцинасининг иккинчи компоненти билан эмланганидан уч ой ўтгач, 378 тиббиёт ходимидан (255 - аёллар, 123 - эркаклар) қон олишди. Таҳлилда касаллик тарихи, ёши ва одатлари ҳақидаги маълумотлар ҳисобга олинди.
Тадқиқотчилар чекувчилар ва ҳеч қачон чекмаган кўнгиллиларнинг намуналари солиштирилди. Аниқланишича, жинсидан қатъий назар, биринчи гуруҳ қонида антитаначаларнинг концентрацияси меъёрдан 140-250 донага паст бўлган. Иштирокчиларнинг ёши ҳам яна бир ҳал қилувчи омил бўлиб чиқди, кекса ёшдаги одамларда IgG даражаси энг паст кўрсаткичда эди.
Иммунологларнинг фикрига кўра, чекишни ташлаш вакцинанинг индивидуал самарадорлигини ошириши мумкин: чекиш одатидан воз кечганлар мустаҳкам иммунитетга эга экани маълум бўлди.
