Бу ҳақда Чиқиндиларни бошқариш ва циркуляр иқтисодиётни ривожлантириш агентлиги маълум қилди.
Берилган беш кунлик муддат давомида истеъмолчилар томонидан 7,4 млрд сўмлик тўловлар амалга оширилган бўлса-да, қарздорлигини ёпмаган абонентларга нисбатан қонуний чекловлар қўлланила бошланди.
Хусусан, республика миқёсида 14,8 млрд сўмлик қарздорлиги мавжуд бўлган 151 202 та абонентнинг электр энергияси учун тўловларни амалга оширишига вақтинчалик чеклов ўрнатилди. Таъкидлаш лозимки, ушбу чеклов фақатгина чиқинди хизматидан бўлган қарздорлик тўлиқ бартараф этилгандан сўнг дарҳол бекор қилинади.
Мазкур тартиб 2025 йил 30 июнгача бўлган эски қарздорликларга татбиқ этилмайди. Чекловлар 2025 йилнинг 1 июлидан бошлаб шаклланган қарздорликлар учун жорий йилнинг 5 ноябридан қўлланила бошлаган.
