Қашқадарё вилоятида бошланган соғломлаштириш акцияси доирасидаги ушбу тадбирда вазирлик марказий аппарати жамоаси, республика ихтисослаштирилган тиббиёт марказлари раҳбарлари ва шифокорлари, тиббиёт олий ўқув юртлари олимлари ҳамда маҳаллий мутахассислардан иборат махсус гуруҳлар фуқароларни қабул қилишга киришди.
Сайёр қабул давомида тиббий ёрдамга эҳтиёжи бўлган беморларни даволаш жараёнига йўналтириш билан бирга, туман тиббиёт муассасаларининг моддий-техник базаси, дори-дармон, даволаш ва кадрлар бўйича барча муаммолари ҳам ҳал этилиши кутилмоқда.
Сайёр қабул якунида Чироқчи тумани бўйича ўрганишлар таҳлил қилиниб, бу тажриба натижадорлигига кўра, бутун республикага татбиқ қилинади.
