Ўзбекистон Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони ижросини таъминлаш мақсадида “Маҳалла” ҳайрия жамоат фонди вилоят бўлими томонидан “Спортни сев, спорт билан яша!” шиори остида жойларда оммавий спорт тарғиботи тадбирларини ўтказмоқда.
Ана шундай тадбирлардан бири Хива шаҳридаги 121-сон кўзи ожиз болалар учун ихтисослашган давлат мактаб-интернатида ўтказилди. Унда 14 — 18 ёшдаги ёш спортчилар спортнинг шахмат, шашка ва армрестлинг турлари бўйича ўзаро беллашдилар.
Мусобақа ғолибларига “Маҳалла” хайрия жамоат фонди вилоят бўлими ходимлари томонидан диплом ҳамда эсдалик совғалари топширилди.
Рўзимбой ҲАСАН,
“Янги Ўзбекистон” мухбири
