Олимлар робототехниканинг бундай турини “мужассамланган ақл” деб аташади.
Футбол – тўқнашувлар юз бериб турадиган ўйин. Шу пайтгача роботлар ўйин пайтида бир-бирларига зарар етказмасликка ҳаракат қилишган ва шу жиҳатдан уларнинг ўйини футболга унчалик ўхшамаган. Аммо DeepMind муҳандислари ихтиро қилган робот уларга ўхшамайди.
“Футбол югуриш, бурилиш, ён томонга қадамлар ташлаш, зарбалар бериш, тўп узатиш, йиқилгандан кейин ўрнидан туриш ва рақиблар билан баъзан тўқнашувларга боришдек кенг кўламли динамик ҳаракатларни талаб қилади”, дейди робот ихтирочиларидан бири Туомас Хаарноя. – Ўйинчилар тўпнинг ҳаракатини, жамоадошлари ва рақибларини олдиндан билишлари ва ҳаракатларини ўйин шароитига мослаштиришлари керак. Ўйинчилар тактик жиҳатдан малакали ва мувофиқлаштирилган ҳаракатларга эришиш учун узоқ вақт давомида ҳаракатларни умумлаштиришлари керак”.
Футбол роботи лойиҳасининг аввалги шунга ўхшаш кўплаб лойиҳалардан фарқи шундаки, у стратегик ўйин учун роботнинг фақат қўллари ёки оёқлари эмас, балки бутун танасининг ҳаракатига асосланган, деб хабар беради techinsider.ru.
