Ҳиндистоннинг Деҳли шаҳридаги “Индира Ганди” халқаро аэропортида олтин контрабандаси билан шуғулланган 8 нафар Ўзбекистон фуқароси қўлга олинди. Бу ҳақда Ҳиндистон Божхона департаменти хабар бермоқда.
Божхона вакиллари ўтказган операция натижасида қиймати 2,92 миллион рупий (тахминан 35 минг АҚШ доллари)га тенг тилла занжирлар мусодара қилинди.
Маълумотларга кўра, бир гуруҳ аёллар Тошкентдан етиб келган ва божхона ходимлари томонидан тўхтатилган. Уларнинг юклари кўздан кечирилганда, багажининг орқа қисмига маҳкамланган ичи бўш металл қутига яширилган умумий оғирлиги 5,3 килограмм 50 та тилла занжирлар топилган.
Божхона бошқармаси баёнотига кўра, олинган тилла занжирларнинг қиймати тахминан 2,92 миллион рупийни ташкил қилади. Текширувдан сўнг, саккиз нафар йўловчи зудлик билан ҳибсга олинган.
