Саудиялик газетхонлар эътиборига пойтахтимиздаги IT Parkнинг жорий йилнинг биринчи олти ойлик фаолияти натижалари тўғрисидаги маълумот ҳавола этилган.
Мақолада таъкидланишича, “Хорижий компаниялар учун кенг имкониятларни жалб қилиш учун вазирликлар, идоралар ва хусусий секторнинг барча имкониятларидан фойдаланиш самарасида Ўзбекистонда ахборот технологиялари соҳаси жадал ривожланмоқда. Бунда “IT Park Uzbekistan” муҳим аҳамиятга эга бўлиб, соҳа ривожига самарали ҳисса қўшмоқда. 2023 йилнинг биринчи яримидаги маълумотлар IT соҳасида ижобий ўсиш суръатларидан дарак беради.
Келтирилган рақамларга кўра, IT-парк инновацион шаҳарчалар экспорти кўлами ўтган йилнинг биринчи яримига нисбатан 2,7 баробарга ошиб, 145,3 миллион долларни ташкил этган. 2022 йилнинг биринчи ярими якунида бу кўрсаткич 140,9 миллион долларни ташкил қилган эди. 2023 йилнинг биринчи яримида экспорт улушининг 45 фоизи Америка Қўшма Штатларига, 14 фоизи Буюк Британияга, 8 фоизи Европа Иттифоқи мамлакатларига, 33 фоизи Сингапур, Бирлашган Араб Амирликлари, Швеция, Корея, Канада каби мамлакатларга тўғри келади. Жорий йилнинг биринчи ярими якунларига кўра, 2023 йил охиригача IT экспортининг умумий ҳажми 300 миллион АҚШ долларига етиши кутилмоқда.
2023 йилнинг биринчи ярими якунига кўра, IT парк резидентлари сони 1424 та компанияга етди. Шундан 986 таси Тошкент шаҳрида, 438 таси эса республиканинг қолган шаҳарларида рўйхатга олинган. Уларнинг 296 таси таълим, 213 таси хорижий капитал иштирокидаги корхоналардир. Жорий йилнинг биринчи яримида рақамли шаҳарчада фаолият юритувчи компаниялар сони 442 тани ташкил этди. Бу ўтган йилга нисбатан 2,2 баробарга ошганини кўрсатади. Айни пайтда IT паркда иш билан таъминланган мутахассислар сони 22 минг 140 нафардан ортди.
“Яқин келажакда IT паркнинг ижодий иқтисодиёт, киберспорт ва акселераторлар каби фаолият турлари кенгайтирилади. “Digital City” Яқин Шарқ ва Жануби-Шарқий Осиё мамлакатларида ваколатхоналар очишни режалаштирмоқда. Ўзбекистонга йирик IT-компанияларнинг ҳудудий штаб-квартираларини жалб этиш ҳам кўзда тутилган”, дея якунланади “Swift News” электрон нашрида чоп этилган мақола.
