Қироллик ҳаво кучларининг Typhoon қирувчи самолётлари НАТОнинг “Шарқий кузатув” операцияси доирасида Польша ҳаво ҳудудини ҳимоя қилиш миссиясида иштирок этади. Уларнинг вазифаси Россия ҳаво таҳдидларига, шу жумладан учувчисиз учоқларга қарши туришдир. Бу ҳақда Буюк Британия ҳукуматининг 15 сентябрь, душанба куни эълон қилинган пресс-релизида айтилган.
Шундай қилиб, Буюк Британия ҳарбий авиацияси НАТОнинг шарқий қаноти ҳимоясини кучайтириш учун бошқа давлатлар, жумладан Германия, Дания ва Франция кучларига ёрдам беради, дейилади хабарда. Қайд этилишича, бу қадам Лондон томонидан “Россия учувчисиз учоқларининг Польша суверен ҳаво ҳудудига ўйламасдан ва хавфли бостириб кириши – НАТО ҳаво ҳудудини Президент Путин томонидан шу кунгача бўлган энг жиддий бузилиши – ва кейинчалик Россиянинг учувчисиз учоғи томонидан Руминия ҳаво ҳудудини бузишидан бир неча кун ўтиб қабул қилинган, деб хабар берди dw.com.
