Дубай полициясига келтирилган электр моторли Hongqi E-HS9 кроссовери биринчи хитойлик бўлди. Hongqi — хитойчадан таржима қилинганда “Қизил байроқ” маъносини беради.
У 2011 йилда чиқарилган (БАА мезонлари бўйича эскирган) Lamborghini Aventador LP700-4 ўрнини эгаллайди.
Hongqi E-HS9 электромобиллари ёрдамида дубайлик полициячилар “йўлларда хавфсизликни таъминлаш бўйича стратегик мақсад”ни уддалашмоқчи.
“Дубай полицияси ўз автопаркини доим энг самарали ва янги транспорт воситалари билан таъминлашга интилиб келган”, деб таъкидлади генерал-майор Халил ал-Мансурий.
Мазкур автомашинанинг тақдимот маросими ҳам ўтказилди.
