Ундан кўзланган мақсад Амирликларда истиқомат қилиб келаётган ватандошларимиз билан ўзаро алоқаларни янада мустаҳкамлаш, ҳамкорлик муносабатларини янада мустаҳкамлаш, ушбу мамлакатда Ўзбекистоннинг маданий, илмий ва маънавий меросини, шунингдек, халқимизнинг миллий тили, маданияти ва анъаналарини кенг тарғиб қилиш билан изоҳланади.
Давра суҳбати шаклида ташкил этилган ушбу тадбир давомида мамлакатимиз Президенти Ш.М.Мирзиёев бошчилигида олиб борилаётган кенг қамровли ислоҳотлар, сиёсий, иқтисодий, ижтимоий ҳаётида рўй бераётган ижобий ўзгаришлар, Янги Ўзбекистоннинг тараққиёт стратегияси доирасида ҳаётга тадбиқ этилаётган ёшларга оид сиёсатининг асосий йўналишлари ҳамда хорижда вақтинча меҳнат фаолиятини амалга ошираётган Ўзбекистон фуқаролари ва уларнинг оила аъзоларини қўллаб-қувватлаш бўйича қўшимча чора-тадбирлар юзасидан атрофлича фикр алмашилди.
Шуни таъкидлаш лозимки, ваколатхона ўзбек тилини хорижий мамлакатларда кенг тарғиб қилиш, уни ўрганиш истагида бўлган чет эллик фуқароларга кўмаклашишга алоҳида эътибор қаратмоқда. Шу мақсадда Бирлашган Араб Амирликларида вақтинчалик ва доимий истиқомат қилиб келаётган ватандошларимиз ҳамда уларнинг фарзандлари орасида ўзбек миллий қадриятлари, тили ва урф-одатларини кенг тарғиб қилиш учун Бош консулхона томонидан фаол ватандошлар иштирокида ижтимоий тармоқларда “БИЛИМДОН” онлайн гуруҳи таъсис этилди.
Унда мазкур гуруҳ иштирокчилари учун мунтазам равишда онлайн дарслар ҳамда ўқув тадбирлари уюштирилади. Тадбир чоғида мазкур онлайн гуруҳнинг ахборот базаси мунтазам равишда бойитиб борилаётгани алоҳида қайд этилди.
Маърифий тадбир якунида унинг иштирокчилари байрам дастурхонига таклиф этилди.
