Футболчиларнинг трансфер қийматини баҳолашга ихтисослашган Transfermarkt портали дунёнинг энг қиммат футболчилари рейтингининг янгиланган версиясини эълон қилинди.
Унга кўра, Норвегия миллий жамоаси ва Англиянинг “Манчестер Сити” клубининг 22 ёшли ҳужумчиси Эрлинг Ҳоланд энг қиммат футболчи деб топилди. Унинг трансфер нархи 20 миллион еврога қимматлашиб, 170 миллион еврога баҳоланган.
Шу пайтга қадар рўйхатнинг биринчи ўрнини банд этиб турган Франция миллий жамоаси ва ПСЖ ҳужумчиси Килиан Мбаппе (160 миллион евро) иккинчи ўринга тушди. Учинчи ўринни эгаллаган Бразилия миллий жамоаси ва “Реал” ярим ҳимоячиси Винисиус 120 миллион еврога нархланган.
Кучли бешликдан Англия миллий жамоаси ва “Манчестер Сити” ярим ҳимоячиси Фил Фоден (110 миллион евро), Испания миллий жамоаси ва “Барселона” ярим ҳимоячиси Педри (90 миллион евро) жой олган.
Ҳоланд давом этаётган мавсумида “Манчестер Сити” таркибида 16 та ўйинда майдонга тушиб, 22 та гол урган, 3та голли узатмани амалга оширган.
