Бу биринчи зилзила пайтида юзага келадиган пьезоэлектрик эффект билан боғлиқ, деди Россия Фанлар академияси Ягона геофизика хизмати директори, техника фанлари доктори Юрий Виноградов.
Унинг сўзларига кўра, зилзила пайтида кўплаб геофизик майдонлар, асосан, электромагнит қўзғалади.
“Кўпинча бу пьезоэлектрик эффектга боғлиқ. Кристалли жинслар кварцни ўз ичига олади, ўз навбатида, кварцда кучланиш пайдо бўлганда, ёндиргичдаги каби пьезоэлементда учқунлар, электромагнит майдони юзага келади, у ионосферага кириб, у ерда чақнашни келтириб чиқариши мумкин”, деб таъкидлади мутахассис.
Виноградовнинг сўзларига кўра, “бу ерда ғайриоддий нарса йўқ”. Бу чақнашлардан зилзилани башорат қилиш воситаси ўрнида фойдаланиш бефойда, чунки улар зилзиладан бор-йўғи бир неча сония олдин содир бўлади.
“Улар аслида қўзғалиш натижасида юзага келади, фақат сейсмик тўлқин бир тезликда тарқалганда, электромагнит тўлқини эса бутунлай бошқа тезликда тарқалади”, деб таъкидлади олим. Унинг фикрича, электромагнит тўлқини ер юзасига сейсмик тўлқиндан тезроқ етиб боради. Юзага келадиган чақнаш зилзила бошланганидан далолат бериб, одамларга тараддудланиш учун вақт қолдирмайди, деб хабар беради mir24.tv.
