Ўтган дам олиш кунлари Ўзбекистоннинг Кореядаги элчихонаси вакиллари Тегу ва Кочхан шаҳарларига ташриф буюриб, бир гуруҳ ватандошлар билан доимий учрашувлар ўтказдилар, дея хабар беради “Дунё” АА мухбири.
Шу билан бирга ватандошларнинг фикрлари уларнинг капиталини Ўзбекистонга жалб этишни чекловчи асосий сабаблар ва омиллар, шунингдек, хатарларни минималлаштириш ва уларнинг ҳуқуқлари ва кафолатларини қонуний равишда мустаҳкамлаш бўйича таклифлар ҳақида сўралди.
Суҳбат чоғида ватандошларимиз ўз фикрлари билан ўртоқлашдилар ва Ўзбекистонда амалга оширилиши режалаштирилаётган лойиҳалар учун янги иш ўринлари яратишга тайёр эканликларини билдиришди. 10 нафар фуқаролардан жалб қилинган бошланғич капитал миқдори 1,2 миллион АҚШ долларини ташкил этди. Ушбу ватандошларнинг лойиҳалари пухта ўрганиб чиқилганидан сўнг мамлакатимиз дипломатия ваколатхонаси томонидан шакллантирилган “Олтин китоб”га киритилган ва шу тариқа 71 нафар Ўзбекистон фуқаросидан жалб қилинган инвестицияларнинг умумий ҳажми 9,3 миллион АҚШ долларидан ошди.
Элчихона ушбу ишларни тизимли равишда, Жанубий Кореянинг вилоятларига ташриф билан давом эттиришни режалаштирмоқда.
