«Бир хил таъсир (худди алкоголь таъсири каби) — бу ковиддаги асосий йўналиш саналадиган қон томирларининг қисилиши ва қоннинг қуюқлашиши. Организмга ҳар қанақанги вируснинг таъсир ўтказишда қон қуюқлашиши кузатилади, қон томирлари тораяди, ва кескин тромб шаклланади — буларнинг ҳаммаси бир хил хавф-хатарлар. Улардан халос бўлиш учун алкоголь ичимликлари ичмаслик керак, в чекмаслик керак», — деб сўзлаб берди ТАССга Ходанова номидаги иммунокоррекция маркази директори Людмила Лапа.
Лапа чекувчиларга эмлангандан кейин антикоагулянтлар қабул қилишни тавсия этади. Улар қондаги уюшқоқлик тизимининг фаоллигини сусайтиради, ҳамда тромблар пайдо бўлишининг олдини олади. «Чекиш аниқ мумкин эмас», — деб огоҳлантирди у.
Пульмонолог-шифокор Алексей Никишенковнинг ТАССга тушунтиришича, эмлангандан кейинги чекиш организм учун қўшимча стресслар келтириб чиқариши ва нохуш ҳолатлар келтириб чиқариши мумкин экан.
«Эмлангандан кейин иммунитет фаол ишлайди, бунда инсон гриппга ўхшаш ҳолатни бошдан кечириши мумкин: тана ҳароратининг қалтираш даражасигача кўтарилиши, интоксикация, ланжлик, бош оғриғи, иштаҳанинг йўқолиши, ва ҳоказолар кузатилиши мумкин. Албатта, ташқи таъсир — чекиш, заҳарли моддаларни нафас орқали ютишдан келиб чиқадиган организм интоксикацияси бу организм учун қўшимча стресс», — деб тушунтирди у.
Никишенков эмлангандан кейин электрон сигаретларни ҳам чекишдан тийилишни тавсия этди.
