Бу ҳақда эндокринолог, овқатланиш мутахассиси Наталья Лазуренко айтиб ўтди.
Мутахассиснинг сўзларига кўра, газланган ширин ичимликнинг ҳар қандай турини тез-тез истеъмол қилмаслик керак, айниқса, агар одамда ошқозон-ичак касалликлари, хусусан, гастрит, гастродуоденит, колит, дивертикулит бўлс.
Газланган ширин ичимликлар ҳозирги авлод учун катта муаммога айланган, чунки кўпинча ўсмирлар уни оддий сув ўрнига чанқоғини қондириш учун истеъмол қилади. Аммо бундай ичимликлар таркибида шакар кўплиги туфайли метаболизмни бузади, бу кучли энергия ресурси – организм уни ҳазм қилиш учун кўп меҳнат қилиши шарт эмас. “Бу энергия тезда қон оқимига киради ва глюкоза даражасини оширади”, деб таъкидлади мутахассис.
Одамлар шакарли газланган ичимликларни асосий таомлар ўрнига ичиши одатий ҳолга айланган, чунки шакар очлик ҳиссини тезда бартараф этиши мумкин. Натижада ортиқча энергия тўпланиб, кейин ёғга айланади, вазн ортиши ва танадаги суюқликни ушлаб турилишига олиб келади. Углевод ва ёғ алмашинуви бузилади, бу метаболик синдром, семизлик ва қандли диабет каби турли касалликларни юзага келтиради, дейилади mir24.tv сайтида.
