Жумладан, Энергетика вазирининг инвестициялар ва халқаро муносабатларни жалб қилиш бўйича ўринбосари фаолиятини баҳолашда жалб қилинган инвестициялар ҳажми, шунингдек, тўғридан-тўғри инвестиция лойиҳалари доирасида халқаро маслаҳатчиларнинг иштироки, янги иш ўринлари яратиш, товарлар ва хизматлар экспорти кўрсаткичлари каби мезонлар ҳисобга олинади, дея хабар беради вазирлик ахборот хизмати.
Энергетика вазирининг электр энергетика бўйича ўринбосари ишини баҳолашда мамлакатимизда электр энергияси ишлаб чиқаришни таъминлаш, энергетика объектларида электр энергияси ишлаб чиқаришда шартли ёқилғи сарфини камайтириш, электр энергетика инфратузилмасини ривожлантириш, шу жумладан, электр тармоқларини, трансформатор подстанцияларини реконструкция ва модернизация қилиш, электр энергетика соҳасига тўғридан-тўғри хорижий инвестицияларни жалб этиш, янги иш ўринлари яратиш ва «Ижро.гов.уз» ягона идоралараро электрон тизими орқали берилган вазифаларнинг бажарилишини таъминлаш.
Энергетика вазирининг нефть ва газ масалалари бўйича ўринбосари фаолиятини баҳолашга келсак, бу ерда иқтисодиёт тармоғи ва аҳоли ёқилғи-энергетика ресурсларини барқарор таъминлаш, нефть ва газ конденсати қазиб олишни таъминлаш, энергия ресурсларини кўпайтириш ва диверсификация қилиш мақсадида суюқ углеводородларни қайта ишлаш кўрсаткичларини таъминлаш, куз-қиш даврида газ транспорти тизимининг барқарор ишлашини таъминлаш учун газ тармоғини реконструкция қилиш ва капитал, нефть-газ секторига тўғридан-тўғри хорижий инвестицияларни жалб этиш, соҳада янги иш ўринлари яратиш, шунингдек, «Ижро.гов.уз» ягона идоралараро электрон тизимдан фойдаланиш самарадорлигини таъминлаш.
Вазир ўринбосарлари олдига қўйилган вазифаларни КПИ тизими орқали кенг хабардор қилиш нафақат аниқ баҳолаш мезонларига эга бўлиш, балки бутун мамлакат ёқилғи-энергетика комплекси фаолиятининг шаффофлигини ошириш имконини беради.
Баҳолаш кўрсаткичлари ижтимоий тармоқларда Энергетика вазирлигининг веб-сайтида ва расмий саҳифаларида кенг жамоатчиликка тақдим этиб борилади.
